అరుణతార

అమెరికా అధ్యక్షుడు బరాక్‌ ఒబామా రాకను నిరసిస్తూ వామపక్ష కార్యకర్తలు ప్రదర్శన నిర్వహించారు. ఈ ప్రదర్శనకు ఉభయ కమ్యూనిస్టు పార్టీలు నాయకత్వం వహించాయి. వామపక్ష కార్యకర్తలను అడ్డుకునేందుకు భారీగా పోలీసు బలగాలను మోహరించారు. దక్షిణ ముంబయిలోని చర్చ్‌గేట్‌ రైల్వే స్టేషన్‌కు సమీపంలో నిరసనకారులు గుమిగూడారు. 'గోబ్యాక్‌ ఒబామా' అని రాసున్న ప్లకార్డులను ప్రదర్శించారు. ఒబామాకు వ్యతిరేకంగా పెద్దపెట్టున నినాదాలు చేశారు. మన్మోహన్‌సింగ్‌ స్పృహలోకి రావాలని, అమెరికా సామ్రాజ్య వాదాన్ని ప్రతిఘటించాలని నినాదాలు చేశారు.